Mauz Cwzdungh
Mauz Cwzdungh(Sawgun:毛泽东, 1893 nienz 12 nyied 26 hauh - 1976 nienz 9 nyied 9 hauh) dwg Cunghvaz Yinzminz Gunghozgoz daih'it yaem guekgya cujciz. De dazyinx Cunghgoz Gungcanjdangj youq Gozgung Neican doihfan le Gozminzdangj, ndaej cwnggienz.
Sinhaih gwzming baeufaz liux laeng, Mauz Cwzdungh gya haeuj le Huznanz sinhginh, yangjying Vujcangh gijyi. Youq 1912 nienz de doiq ok sinhginh. Youq seiz cin 1913 nienz, gauj haeuj Huznanz Swngjliz daihseiq sihfanh, gwn Yangz Canghgiz, Liz Ginjsih, Siz Dwzliz dengj cinbu gyausae dih yingjyangj, camgya ndei gij fanjdi fanjfunghgen hozdungh.
1918 nienz 4 nyied, caeuq Cai Hozsenh, Hoz Suhhwngz dengj fat hwnj cujciz cinbu donzdij sinhminz yozvei. Coengz daih'it sihfanh bizyez laeng daengj Baekging, laeng Cai Hozsenh dengj gyoengvunz cujciz gij hauxseng Huznanz daengj Fazgoz guh hong daeuj doeg saw. Gyoengqde gujli gij hauxseng hag Sihfangh vwnzva. 10 nyied daengj Baekging Dayoz duzsuhguenj guh hung, seizde Lij Dacauh youq giz haenx guh cujyin.