Ngog Laengconghndaeng
Bingh Ngog laengconghndaeng dwg cungj ngog yak baenz youq gwnz laeng laengconghndaeng, ciengzmbat raen youq song bangx laengconghndaeng caeuq rongz laengconghndaeng. Laengconghndaeng hwnj youq baihgyangeingq ndaw gyaeuj vunz, hung lumj habfeiz, yiengh goj lumj habfeiz, aenvih aen laengconghndaeng ndoj laeg lai, nyaengz baenz najyiengh caeuq ok saeh lai, hauhneix vunzlai cix mbouj gyaez dawz haeuj hoz bae,canghyw ne caemh ciengzmbat yawj loeng. Baenz ngog laengconghndaeng gyaez baenz youq ndaw mbangj vunzcungj、mbangj gyogranz caeuq mbangj diegcomz.
Gij dieg baihnamz Cungguek, guh lumj Gvangjdungh、Gvangjsih、Huznanz caeuq Fuzgen lai dieg caeuq mbangj guek Dunghnanzya dwg gij dieg baenz bingh haenq lai.
Doengh gij vunz naeng henj cix gyaez baenz cungj bingh neix, lumjnaeuz vunz Cungguek, vunz Malai lai yiengh vunz, vunzhau mbouj ngah baenz nauq.
Doengh gij vunz baenz ngaih de genj bae gij dieg gij guek baenz bingh laengconghndaeng de youq ne,caemh baenz ngaih lumj doenghbaez.
Boux baenz bingh ngog laengconghndaeng bae ranzyw ra canghyw ne coj deng lwnh gịj saeh ndanggaeuq hauhlawz baenz bingh haenx hawj canghyw nyi guhliux, liux nyaengz deng caz ndang caeuq yw bingh dem.
Vih ndaej nehcaw baenz bingh dahraix, hauhneix cix deng diemjcaz leixbingh, doengh boux caz goekbingh baenz singqyaem lai baez haenx deng caz da linzbah gwnz hoz dem.
Boux baenz bingh de nyaengz deng caz gij saeh baihlaj neix dem:Ndaeng'aenq、mug gyuek lwed、rwz ok rumz、rwz nuk dingz、gyaeuj get、naj maz caeuq yawjdaeb.
Gingq laengconghndaeng baengh'wnq, gingq laengconghndaeng seinyaq, caemhsaenz laengconghndaeng+gwnz hoz (MRI) roxnaeuz baetyaenq caengzgoenq ukdienh (CT), ngaeuzaek, ywrongh B gwnz aek roxnaeuz CT aek caeuq dungx, baetyaenq caengzgoenq ukdienh gaiqnyingz guengjceijbeu deih ndok (ECT) caeuq gangqdaej binghdoeg EB ndaw lwed roxnaeuz EBV-DNA (binghdoeg EB-duetyangjhaeddiengzhaedsuen) lai yiengh diemjcaz neix.
Yaek nehcaw baenz bingh ngog laengconghndaeng ne, cix deng aeu gij yienghbingh、yienghndang, yiengh caz ok caeuq gij yiengh caz leixbingh de dacuj guhdoih ngeix mbat, hauhneix cix baenz.
Boux baenz bingh ngog laengconghndaeng de yaek baenz 7 yiengh saeh lajneix:
Boux baenz bingh ngog laengconghndaeng de ndang yaek bienq baenz 3 cungj yienghsiengq lajneix: ① Ndaw laengconghndaeng hwnj gaiq gawh moq.2 Domq limba gwnz hoz gawh. ③ Saenzging gwnz gyaeuj maz.
Caz caemhsaenz laengconghndaeng caeuq gwnz hoz (MRI) ne ndaej yawj raen gij yienghsiengq binghbienq laengconghndaeng, dieg baenz bingh caeuq doemq limba dem; caz rongh B aek caeuq dungx roxnaeuz caz CT caeuq baetyaenq ndok daengx ndang (ECT ndok) ne cix ndaej roxcaek goekbingh senj bae giz gyae caengz, hauhneix caemh ndaej baen mwh dem.
Cazlix gaiqgawh liux roxcaek leixbingh dwg diuz "maemaeg" nehcaw ngog laengconghndaeng.Gaiq huqcaz liux ndei dwg giz laengconghndaeng,langhnaeuz cazlix lai baez caemh mbouj rox baenz mbouj baenz singqyiengz, nyaengz limba gawh dem ne, hauhneix cix deng caz domq limba dem.