Yihginhhozloz Giz

Yihginhhozloz Giz (Sawgun:伊金霍洛旗) dwg aen geiz gvi Neimungzguj Swcigih Ngozwjdohswh Si guenj. Daengx geiz najdieg miz 5600 bingzfueng goengleix, gyaeujvunz ciengzseiz youq 25.6 fanh vunz (2023 nienz), miz Mungz、Gun、Veiz、Manj daengj 17 aen minzcuz. Aen geiz neix youq baihgyangnamz Ngozwjdohswh, baihdoengbaek Diegsa Mauzvuhsuz. Giz Yinzminz Cwngfuj youq Ahlwzdenzsizyez Cin. ​ ​Gij dieg ndaw gyaiq haijbaz 1000-1500 m. Baihdoeng dwg Diegsang Vangzduj, baihsaenamz dwg Diegsa Mauzvuhsuz, Dah Vuhlanzmuzyenzhoz、 Dah Guzyejhoz louz gvaq ndaw gyaiq. Miz 29 aen huz, ceiq hung dwg Hungzganjnau. Bauh-Swnz Dietloh、Yungz-Vuh Gauhsuz、218 Gozdau、109 Gozdau doenggvaq ndaw geiz. Cwngzgizswhhanz Lingz dwg aen gujciz mizmingz.