Caenz Hij Vuengz

okcih Wikipedia
Diuq bae DazzaeuhRa
Qinshihuang.jpg

Caenz Hij Vuengz (Sawgun: 秦始皇, 259BC-210BC), mingzcoh heuh Yingz Cwng (嬴政), dwg Cunghgoz cangoz sauh Caenzgoz gozvuengz, Caenzciuz yaemh vuengzdaeq daih yied. De youq Cauqgoz doekfag, ndigah youh heuhguh Caoqcwng(赵政). De 13 hopbi ciepvih,38 bi doengjit Cunghgoz,laebhwnj Caenzciuz,cwng vuengzdaeq. Caenzhijvuengz daiqdaeuz laebhwnj le cunghyangh-gyoebgienz cwngdij,youq seiqgyaiq lihsij miz yingjyangj gyaeraez.

Ciuhvunz[gaij]

Okndang[gaij]

Yingzcwng doekfag youq Caen-caoyanghvuengz(秦昭襄王) bet nienz,dwg lwgsai Caen-cuenghyanghvuengz(庄襄王).Aenvih de okseng youq caoqgoz,ndigah hix heuh Caoqcwng.Miz vunz nyinhnaeuz de dwg lwgndai Lij Buzveiz(吕不韦),meh de Caoqgih youq ngaiz Lij Buzveiz soengq hawj cuenghyanghvuengz seiz couh senq mizndang.Hoeng hix miz lizsijyozgyah nyinhnaeuz neix dwg yauzyenz.

Seinzneix boh de Yingz Cijcuj(seizneix heuh Yiyinz异人) ngaiz Caen-cuenghyanghvuengz baiq daengz Caoqgoz guh yinzciz,diegvih daemq lai.Lij Buzveij dwg bouxseng'eiq,cibfaen fouqmiz.

Hwnj vuengzvih[gaij]

Cuenghyanghvuengz sam nienz, Cuenghyanghvuengz dai. Caoqcwng hwnj vuengzvih. Aenvih caenvuengz lij nomj, Lij Buzveij bajciz ciuzcwng,hix caeuq daihaeuh doenggan. Cimhlaeng ciem baj gyaj huenguen Lauq Aij soengq hawj vuengzdaihhaeuh, Lauq Aij caeuq daihhaeuh seng lo song boux lwgsai. Laoq Aij gag heuh gyaj boh, daengjlaeng cauqfanj, ngaiz gaemhgaj.