Cuenghhag
Cuenghhag (Cang’yoz ; Sawgun: 壮学; Bingqyaem: Zhuàngxué) dwg monz yozgoh aeu Bouxcuengh daeuj guh yenzgiu duisieng he. De dawz Bouxcuengh aen minzcuz neix guhbaenz aen cingjdij ndeu daeuj gaujcaz, yenhgiu Bouxcuengh gij lizsij caeuq vwnzva gijyenz、bencenh、fazcanj gocwngz de, yenhgiu Bouxcuengh youq fazcanj gyaeraez ndawde caemdingh gij vuzciz vwnzva、cingsaenz vwnzva caeuq cidu vwnzva gij nei’hanz、dwzcwngh、gunghnwngz caeuq fazcanj gveihliz de,yenhgiu Bouxcuengh sevei、cunghgyau、ginghci、gyauyuz、sinhlij、swnghdai、gohgi doengh gij fuengfueng mienhmienh neix. De dwg Yinzvwnz sevei gohyoz ndawde monz yozgoh doglaeb he,miz gij daegdiemj cunghhozsing caeuq gyauhcahsing de.
Cuenghhag gij yenhgiu neiyungz de gvangq dangqmaz, sezgiz daengz Bouxcuengh gij lizsij、yijyenz、cunghgyau、vwnzva、ginghci、vwnzyoz、yisuz、gyauyuz、cezyoz、minzsuz、sinhlij、yihyoz、gohgi、sevei sujsiz、sevei bencenh caeuq diegcuengh yendaiva gocwngz ndawde daez okdaeuj gij lijlun vwndiz caeuq sizcenj vwndiz de, gij yenhgiu fanveiz de hamjgvaq yinzvwnz gohyoz、sevei gohyoz caeuq mbangj swyenz gohyoz lingjyiz, goj naeuz Cuenghhag bauhamz liux Bouxcuengh sevei gij swnghcanjliz caeuq swnghcanj gvanhhi、ginghci gihcuj caeuq baihgwnz gencuz sojmiz neiyungz. Neix baez ding’yi le gangjmingz, Cuenghhag cix dwg gvendaengz gij yozvwn Bouxcuengh caeuq gij cihsiz dijyi gag doglaeb de, caemh eiqhoz naeuz Cuenghhag bauhamz miz song daih yenhgiu cujdiz, it dwg gvendaengz Bouxcuengh gij lizsij caeuq vwnzva yenhgiu; ngeih dwg Bouxcuengh yendaiva yenhgiu. Duenh seizneix Cuenghhag yenhgiu lij aeu gij baihnaj guhcawj, dinglai yawjnaek Bouxcuengh gij lizsij、vuzciz vwnzva caeuq cingsaenz vwnzva yenhgiu.
Cuenghhag guh monz yozgoh gohyoz he, dinglai vunz nyinhnaeuz dwg daj ngeihcib si’gij 50 nienzdaih heijdaeuz. Bouxcuengh boux daih’it lizsij yozgyah caeuq minzcuz yozgyah Vangz Yenfanh gyausou youq 50 nienzdaih guhdaeuz guh ndaej haujlai gij gvangjsih saujsu minzcuz lizsij diucaz caeuq yenhgiu cingzgoj de, hawj Cuenghhag ndaej hwngvuengh laebdingh liux gij gohyoz dijyi giekdaej maenhsaed de, gijneix gaenq bouxboux cungj naeuz dwg lo. Vangz Yenbanh gyausou deng vunzlai naeuz dwg cungjsae Cuenghhag le, yienghneix gij lwgsae de Vangz Swnghging、Cangh Yizminz、Veiz Gingvwnj、Suz Gvancangh、Siuh Swzcangh、Vangz Veijcingz、Liz Gozcuz、Lij Ganfwnh、Couh Cunghhenz、Yi Cizgaih、Hoz Lungzginz、Gungh Yungjveih doengh boux gyausou roxnaeuz yenhgiuyenz neix,cungj baenz Cuenghhag daih’it、ngeih、sam daih daibyauj yozcej de caez.
- Vangz Yenfanh (黄现璠, Bouxcuengh,daihhag gyausou)
- Vangz Swnghging (Bouxcuengh, yenhgiuyenz)
- Banh Siuvwnz (班秀文, Bouxcuengh, daihhag gyausou)
- Cangh Yizminz (张一民, Bouxcuengh, daihhag gyausou)
- Suz Gvancangh (粟冠昌,Bouxcuengh, daihhag gyausou)
- Siuh Swzcangh (肖泽昌,yenhgiuyenz)
- Vangz Veijcwngz (黄伟城, Bouxcuengh, daihhag gyausou)
- Lanz Hungzenh (蓝鸿恩, Bouxcuengh, daihhag gyausou)
- Ouhyangz Yozsiuh (欧阳若修, daihhag gyausou)
- Liz Gozcuz (黎国轴, Bouxcuengh, daihhag gyausou)
- Lij Ganfwnh (李干芬, Bouxcuengh, yenhgiuyenz)
- Couh Sunghhenz (周宗贤,yenhgiuyenz)
- Couh Cozciuh(周作秋, Bouxcuengh, daihhag gyausou)
- Vangz Saucingh(黄绍清, Bouxcuengh, daihhag gyausou)
- Veiz Gizlinz(韦其麟, Bouxcuengh, daihhag gyausou)
- Nungz Gvanbinj(农冠品, Bouxcuengh, daihhag gyausou)
- Cimz Gozswngh(覃国生, Bouxcuengh, daihhag gyausou)
- Liengz Dingzvang(梁庭望, Bouxcuengh, daihhag gyausou)
- Banh Gijyuz(潘其旭, Bouxcuengh, yenhgiuyenz)
- Fan Sihmuj(范西姆, Bouxcuengh, yenhgiuyenz)
- Vangz Cingzsou(黄成授, Bouxcuengh, daihhag gyausou)
- Vangz Hanruz(黄汉儒, Bouxcuengh, daihhag gyausou)
- Cangh Swnghyez(张增业,daihhag gyausou)
- Veiz Daz(韦达, Bouxcuengh, daihhag gyausou)
- Cimz Naijcangh(覃乃昌,Bouxcuengh, yenhgiuyenz)
- Cimz Saijfuj(覃彩銮, Bouxcuengh, yenhgiuyenz)
- Cimz Swngminj(覃圣敏,Bouxcuengh,yenhgiuyenz)
- Yi Cizgaih(玉时阶, Bouxcuengh, daihhag gyausou)
- Cing Cauhyungz(郑超雄, Bouxcuengh)
- Hoz Lungzginz (何龙群, Bouxcuengh, daihhag gyausou)
- Gungh Yungjveih(龚永辉, Bouxcuengh, daihhag gyausou)
- Vangz Gveisiuh(黄桂秋, Bouxcuengh, daihhag gyausou)
- Vangz Cinnanz(黄振南, Bouxcuengh, daihhag gyausou)
- Liu Mingzginh(廖明君, Bouxcuengh, daihhag gyausou)
- Vangz Dunghlingz(黄冬玲, Bouxcuengh, daihhag gyausou)
- Veiz Suhvwnz(韦苏文, Bouxcuengh, daihhag gyausou)
- Cimz Dwzcingh(覃德清, Bouxcuengh, daihhag gyausou)
- Yangz Sucez(杨树喆, Bouxcuengh, daihhag gyausou)
- Vangz Hinghgiuz(黄兴球,Bouxcuengh, daihhag gyausou)
- Loz Yungjbinh(卢勇斌,daihhag gyausou)
- Lij Fu’gyangz(李富强, daihhag gyausou)
- Vangz Bingzvwnz(黄平文,Bouxcuengh, daihhag gyausou)
- Vangz Gyahsin(黄家信, Bouxcuengh, daihhag gyausou)
- Mungz Yenzyau( 蒙元耀, Bouxcuengh, daihhag gyausou)
- Veiz Swnli(韦顺莉, Bouxcuengh, daihhag gyausou)
- Ginh Li(金丽, Manjcuz, daihhag gyausou)
- Veiz Danhfangh(韦丹芳, Bouxcuengh, daihhag gyausou)
- 李富强:《中国壮学》第一辑，北京民族出版社，2007年。
- 莫眷盛:《壮学论》