Haijdai

okcih Wikipedia

Haijdai youq gizdieg Isire(Israel) caeuq Jodan(Jordan) doxgyau,dwg aenhuz ceiq daemq gwnzbiengz.Sang daemq Haijdai dwg -422m,dohraez 67km,dohgvangq 18km,vangqraez miz 810km2.Gij dohgyu raemx de miz 300g/L, lai gvaq raemxhaij bingzciengz 7.6 boix. Gaiqgyu Haijdai miz 30%.Diuz dah laux lae haeuj Haijdai miz Dah Jodan.

Aen coh de[gaij | 编辑源代码]

Haijdai, aenvih dohgyu raemx de sang lai, duzbya mijndaej youq, hoeng miz duznengz riengz gaiqseng mbaeuraemx. Ndaw haij miz gaiqgyu lai lai. Aenvih dohgyu sang, bouxboux doq ndaej fouz youq gwnzraemx.

Haijdai dwg aenhuz lae'ndaw, gijraemx de mij lae okbae, cijmiz hauq.Caemhcaiq cijmiz diuz dah ndeu, Dah Jodan, miz raemx lae haeuj Haijdai. Ndigah raemxlae Dah Jodan caeuq raemxhauq Haijdai gietdingh le gij sang daemq raemx Haijdai.Mboengqneix, Jodan caeuq Isire aeu raemx Dah Jodan daeuj dajndaem caeuq gwn yungh. Sang daemq raemx haij bi gemj 1m. Bi 2006, sang daemq Haijdai dwg -418m. Bi 2007,gemj daengz -420m, vangqraez Haijdai gemjnoix dingzfaen yiengh gonq 50 bi.

Heiqhaeuh[gaij | 编辑源代码]

Haijdai dingzlai seizgan cungj gvengqcingx, heiqhaeuh rengx lai.Bi bingzyinz doekfwn noix gvaq 50mm. Cawzndat raeujheiq bingzyinz youq gyang 35 °C daengz 39 °C, cawznit raeujheiq bingzyinz youq gyang 20 °C daengz 23 °C. Aenvih atheiq sang, heiqyang goj miz lai.