Vangz Yenfanh

okcih Wikipedia
Vangz Yenfanh

Vangz Yenfanh (Sawgun:黃現璠; Binghyaem Vahgun:Huáng Xiànfán)(1899 nienz 11 nyied 13 hauh — 1982 nienz 1 nyied 18 hauh), dwg boux ligsij yozgyah、minzcug yozgyah、gyauyuggyah caeuq sevei hozdunggyah Cunghgoz ndeu.

Genjsij[gaij | 编辑源代码]

Vangz Yenfanh, Mingzcoh nyuenz heuh Ganh Ginjyingh, dwg vunz Gvangjsih Fuzsuih Yen Gizgiu Cin Mbanj Gizswh, Bouxcuengh. 1926 nienz haujhaeuj Baekging swhfan Dayoz yigoh, youq hag 9 bi, bizyez le bae Yizbwnj Dunghgingh Digoz Dayoz (seizneix dwg Dunghgingh Dayoz) yenzgiuyen louzhag. 1937 nienz dauqma guek raeuz le gonqlaeng dang Gvangjsih DayozCunghsanh Dayoz、guek laeb Gveilinz Swhfan Yozyen、Gvangjsih Swhfan Yozyen (seizneix dwg Gvangjsih Swhfan Dayoz) daengj yausijyoz gyausou gvaq,dwg Cungguek raeuz “boux gyausou daihhag Bouxcuengh daih’it”. De gonqlaeng giem dang Gvangjsih Gyauyuz Yenzgiusoj yenzgiuyenz、Gvangjsih Dayoz yindaujcangj、cunghvwnzhi cujyin、duzsuhgvanj gvanjcangj、Gvangjsih Swhfan Yozyen duzsuhgvanj gvanjcangj daengj cizvu gvaq. 1949 nienz Cungguek moq laebbaenz le,Vangz Yenfanh laebdaeb ndaej senj guh gaiq daih’it Daengxgoek Yinzminz Daibiuj Davei daibyauj、daengx guek yinzda minzcuz veijyenzvei veijyenz、Cunghyangh doiq rog vwnzva lenzloz veijyenzvei veijyenz caeuq gaiq daih vuj Cunghgoz Yinzminz Cwngci Hezsangh Veiyi veijyenz. Gonqlaeng ndaej Cunghyangh Yinzminz Cwngfuj Cwngvuyen nyaemh dang Gveiqsae Bouxcuengh Swcigih Yinzminz Cwngfuj veijyenz、Gvangjsih Swngj Yinzminz Veijyenzvei veijyenz.

Vangz Yenfanh gij cungyau gungyen gwnz yozsuz biujyienh youq de boux daih’it haicaux le fungheiq ndei Cuenghhag yenzgiu,cauxlaeb le gwnz lizsij minzcuz Cungguek aen saujsu minzcuz yozbaij daih’it—Bazgveiq yozbaij (Betgveiq yozbaij). Doengzseiz de lij gamj yiengq gyaudiuzcujyi sijyoz diuhcan, daez ok le gij yawjfap moq Cungguek lizsij mboujmiz nuzli sevei, baenzneix ndaej yozsuzgai goeng nyinh guh bouxdaeuz Bazgveiq yozbaij caeuq daujswh Fouznuz yozbaij.

Bouhsaw mizmingz cujyau[gaij | 编辑源代码]

ligsij[gaij | 编辑源代码]

  • 《Cunghgoz Dunghsij Ganghyau》(sam cek, 1932-1934)
  • 《Gauhcungh Vaigozsij》(song cek, 1933)
  • 《Gij Swnghhoz Nungzminz Yenzdai—Dem Nuzli Gauj》(sawhoiz, 1934)
  • 《Dangzdai Sevei Gailoz》(1936)
  • 《Gij Gouqguek Yindung Daiyozswngh Sungdai》(1936)
  • 《Cunghgoz Vwnzvasij》(1943)
  • 《Cunghgoz Yinhdai Seveisij》(1950)
  • 《Cunghgoz Funghgen Sevei Sij》(1952)
  • 《Cunghgoz Lizsij Mingzcu Senjdoeg》(1953)
  • 《Sawgeq gejdoeg Gihcuj Cihsiz》(1978)
  • 《Cunghgoz Lizsij Mboujmiz Nuzli Sevei》(1981)

minzcug[gaij | 编辑源代码]

  • Gvangjsih Bouxcuengh Genjsij》(1957)
  • 《Nungz Cigauh》(saw ce, 1983)
  • Bouxcuengh Dunghsij》(saw ce, 1988)
  • 《Sawgeq Gejdoeg Codamq—Vangz Yenfanh Yozsuz Lunvwnz Senj》(saw ce, 2004)
  • 《Veiz Bazginz Bingzcienz》(saw ce, 2008)

Sawgej[gaij | 编辑源代码]

[1]《Bouxcuengh Boux Gyausou Daihhag Daih’it Vih Yinghyungz Veiz Bazginz Laebcienz》, 《Cunghgoz Sinhvwnz Cuzbanj Bau》, 2008 nienz 10 nyied 22 hauh.

[2]Cinz Gizswngh sij:《Sawq Lwnh Bazgveiq yozbaij Ndaw Minzcuzyoz Cunghgoz》, 《Gvangjsih Sevei Gohyoz》daih 7-11 geiz, 2008 nienz 7-11 nyied.

Canhgauj[gaij | 编辑源代码]

  • Moz Ginh sij: 《Coengsae Cuenghhag Vangz Yenfanh》, 《Gvangjsih Yizbau》, 2002 nienz 9 nyied 3 hauh.
  • 《Vangz Yenfanh Gyausou Dancinz Bak Bi Gijnen Vwnzciz》, Gvangjsih Swhfan Dayoz, 1999 nienz 11 nyied.

Lienzcanh Baihrog[gaij | 编辑源代码]